ग्रेस
हे शब्दांच्या महाराजा,
तु नाकारलेस...
तुला दूर ठेवणारे.
भंपक, दांभिक,
अन तोंडदेखलेपणाला तु शिवला नाहीस.
तुझ्यातला कलंदरपणा माझ्यात उतरला..
हा वारसा जपतोय मी...
तु मला दहावीच्या मराठीत
'चिमण्या' घेऊन भेटलास
तेंव्हापासून पासून
तुझा शब्द काळजात.
कोरून ठेवीन.....
कविता कविची कमाई
नसते.
तुझ्यातला वारा नाही समजला..
समजणारही नाही.....
हे महाकवी
तु कवितेसकट 'तु अन
मोत्यांच्या अक्षरांसकट
माझ्यात उतरलास...
आता जबाबदारी माझी.....
कविता समजत कशी नाही ?
असा सवाल तुच करू शकतोस !
प्रशस्ती आणि पुरस्कारांसाठी
झुरला नाहीस....
कारण तु म्हणजेच
एक साहित्य अकादमी आहेस.......
याचा अर्थ ओला व्हावा माझ्यासाठी
आणि
उजाडता पाठीवर ओझे वाटेपाशी तुझे डोळे यावे डोळियांच्या व्हाव्या वेड्या गाठीभेठी !!
-सूर्यकांत डोळसे, पाटोदा (बीड)
मोबा. ९९२३८४७२६९
26 मार्च 2012
कोणत्याही टिप्पण्‍या नाहीत:
टिप्पणी पोस्ट करा