भिक्षापात्र

गोपाला गोपाला म्हणीत गाडगेबाबा आले।कविता।रचना निर्मिती आणि सादरीकरण-सूर्...

हम होंगे कामयाब...मराठी अनुवाद-सूर्यकांत डोळसे

कुणी बोलो ना बोलो।9डिसेंबर2018।।रचना निर्मिती आणि सादरीकरण-सूर्यकांत डोळ...

काय होते बाबासाहेब।6डिसेंबर2018।।रचना निर्मिती आणि सादरीकरण-सूर्यकांत डो...

हम होंगे कामयाब....आम्ही होवू यशस्वी...

आम्ही होवू यशस्वी....

होवू यशस्वी ,होवू यशस्वी
आम्ही होवू यशस्वी एक दिन ........

हो हो मनोमनी आहे विश्वास,
पूर्ण आहे विश्वास,
आम्ही होवू यशस्वी एक दिन.

होईल शांती सर्वदूर,
असेल शांती सर्वदूर,
होईल शांती सर्वदूर एक दिन.
हो हो मनोमनी आहे विश्वास,
आम्ही होवू यशस्वी एक दिन ......

आम्ही चालू एकसाथ,
देवून हातात हात,
हो हो मनोमनी आहे विश्वास,
पूर्ण आहे विश्वास,
आम्ही चालू एकसाथ,एक दिन.

आम्ही नाही एकटे,
आम्ही नाही एकटे,
आम्ही नाही एकटे आज,हे दिन...
सारे जग पाठीशी आज,हे दिन.
हो हो मनोमनी आहे विश्वास,
पूर्ण आहे विश्वास,
आम्ही होवू यशस्वी एक दिन.

नाही भीती कुणाची आज,
नाही भय कुणाचे आज,
नाही भीती कुणाची आज,हे दिन,
मनोमनी आहे विश्वास,
पूर्ण आहे विश्वास,
आम्ही होवू यशस्वी एक दिन.

हो हो मनोमनी आहे विश्वास,
पूर्ण आहे विश्वास,
आम्ही होवू यशस्वी एक दिन.

-सूर्यकांत डोळसे,पाटोदा(बीड)
  मोबाईल-9923847269

मूळ रचना-महालिया जेक्सन
mahaliya jacksan

मराठी अनुवाद-सूर्यकांत डोळसे,पाटोदा(बीड)

30november2018

जन्म घेऊ दे ग

हे सत्यशोधका

काय होते बाबासाहेब

फिनिक्सच्या कविता

नको मा रू गं आई,जन्म घेऊ दे गं मला

नको मारू गं आई,जन्म  घेऊ दे गं मला

नको मारू गं आई,जन्म  घेऊ दे गं मला
आई सावित्रीची आई, आई शपथ गे तुला ।।धृ।।

उद्या दोन्हीही कुळाचा मी उद्धार करीन
तुझ्या दुधाच गं कर्ज,व्याजासहीत फेडीन
जग बघण्या गं आई,जीव आतुर हा झाला।।१।।

घास-घासातला खाईन,मी  शाळेला जाईन
आई शिकून सवरून मी सावित्री होईन,
उगी तुझा गं जीव कसा हबकून गेला ।।२।।

आई मुलगा-मु लगी,आहे एकच समान
आई सावित्री मातेशी तु राख गं इमान
बघ माझ्या गं सपनांचा झुला आकाशी गं गेला।।३।।

तू नाहीस कसाई,तू आहेस गं आई,
सांग उद्याच्या जगाला,कुठून आणायची आई?
तुझं पटेल गं आई,सांग माझ्या बाबाला ।।४।।

-सूर्यकांत डोळसे ,पाटोदा (बीड)
 मोबाईल-9923847269

नको मारू गं आई,जन्म घेऊ दे गं मला

फिनिक्सच्या कविता

फिनिक्सच्या कविता

फिनिक्सच्या
डोळ्यातील खुणा
दाखवितात
जळताना झालेल्या
यम यातना.
......

फिनिक्स
आपल्या दु:खाबाबत
असतो नेहमीच मुका.
हीच त्याच्या आयुष्याची
एक शोकांतिका.
.......

तू म्हणाली असतीस तर
मीही फिनिक्स
बनलो असतो.
भरारी मा रताना
तुला कधीच दिसलो
 ....

फिनिक्स एक
चिरंतन दु:ख असते.
त्याची कथा ऐकण्यात
अलभ्य सुख असते.
.........

प्रत्येकजण एक
फिनिक्सअसतो.
भरारी मारण्यासाठी
जळण्यास तयार नसतो.
.........

फिनिक्सच्या दु:खाला
काळाचे माप नसेल !
चिरंजीवित्त्वाचा
तो एक शाप असेल !!

-सूर्यकांत डोळसे,पाटोदा(बीड)

साप्ताहिक सकाळ।२फेब्रुवारी १९९१

भिक्षापात्र

भिक्षापात्र

एका कातरवेळी
बुद्ध आणि येशू
बसले होते चर्चा करीत
जागतिक शांततेची.

येशूने शांततेसाठी
आपल्या शरीरातील
खिळे काढले अन
ठेवले बुद्धाच्या
भिक्षापात्रात.

बुद्धाचं भिक्षापात्र
केंव्हाच भरलं आहे.
पण....
येशूच्या शरीरातील
खिळे अजूनही संपत नाहीत.

तेंव्हापासून बुद्धाचं भिक्षापात्र
आणि बुद्धही
वाट बघत आहेत,
खिळ्यांच्या संपण्याची !!

-सूर्यकांत डोळसे,पाटोदा(बीड)
 मोबाईल- 9923847269

आम्ही सावित्री होणार...आम्ही जिजाऊ होणार....

महिला दिन विशेष
-----------------------

आम्ही सावित्री होणार...आम्ही जिजाऊ होणार....

आम्ही सावित्री होणार...आम्ही जिजाऊ होणार....
आमच्या आयुष्याला,आमच्या भविष्याला नवा आकार देणार।।धृ।।

हिरकणीची,झाशीच्या राणीची,आम्ही घोषणा देणार
राणी अहिल्यादेवीची,आम्ही किर्ती गाणार।।१।।

जगदंबेची,महदंबेची,आम्ही लिळा गाणार
मिरेच्या भक्तीची,राधेच्या शक्तीची आम्ही पूजा बांधणार।।२।।

मुक्ताईचा,श्यामच्या आईचा,आम्ही वसा घेणार
जनाबाईच्या अभंगाला नवा अर्थ देणार ।।३।।

आण रमाईची,जाण भिमाईची,पुढे पुढेच नेणार
तारा आईची,बहिणाबाईची आम्ही भाषा बोलणार।।४।।

नव्या आकाशाला,नव्या प्रकाशला आमची 'कल्पना' येणार
मायेची पाखर,तोंडी साखर,'मदर' घालणार ।।५।।

हाती क्रांतीची,हाती शांतीची,आम्ही मशाल घेणार
स्त्रीमुक्तीचे.स्त्रीशक्तीचे आम्ही गाणे गाणार ।।६।।

-सूर्यकांत डोळसे,पाटोदा(बीड)
मोबाईल-९९२३८४७२६९

------------------------------------

दैनिक पुण्यनगरी | ८मार्च2018

जिजाऊ वंदना

जिजाऊ वंदना

गावू जिजाऊ जिजाऊ
आऊ जिजाऊ जिजाऊ
माता जिजाऊ जिजाऊ
नेता जिजाऊ जिजाऊ..।।धृ।।

स्वराज्य प्रेरणा जिजाऊ
स्वराज्य धारणा जिजाऊ
लोकांचा आधार जिजाऊ
स्वराज्य निर्धार जिजाऊ ।।१।।

जाधवांची लेक जिजाऊ
भालाफेक जिजाऊ
भोसल्यांची सून
स्वातंत्र्याची
धून जिजाऊ ।।२।।

राजा शिवाजी जिजाऊ
राजा संभाजी जिजाऊ
स्वराज्य मंत्र जिजाऊ
स्वराज्य तंत्र जिजाऊ ।।३।।

स्वराज्य आण जिजाऊ
स्वराज्य शान जिजाऊ
स्वराज्य पूज्य जिजाऊ
आम्ही सज्ज जिजाऊ ।।४।।

आम्ही होवू जिजाऊ
आम्ही गावू जिजाऊ
आम्ही लेवू जिजाऊ
आम्ही होवू जिजाऊ ।।५।।

-सूर्यकांत डोळसे,पाटोदा(बीड)
 मोबाईल.९९२३८४७२६९

------------------------------

दैनिक पुण्यनगरी ,दैनिक झुंजार नेता
१२जानेवारी२०१८